Sajak NANDANG DAHLAN
Najan anjeun teu nyarita, najan anjeun teu balaka
tapi kuring moal kapalingan budi ku anjeun, sobat
ayeuna pasemon anjeun teu weleh alum jeung ngungun
galura anjeun kebek ku kahandeueulan jeung hanjelu
Naha nu asih dipulang sengit, naha nu haat teu dipirosea
kuring teh baheula mah sehat, beresih, jeung loba rajakaya
nya ku kasarakahan manusa, kuring jadi ngalanglayung
kitu meureun lamun kedal mah, lisan anjeun teh
Mangsa anjeun amuk-amukan, anu deukeut pahibut
nyalametkeun diri, kulawarga, jeung harta bandana
kabeh indit pada ngungsi, bari marawa hate prihatin
raja kaya anu tinggaleun pasti kakeueum, duka kumaha
Kuring rayat leutik nu geus lila wanoh jeung anjeun
teu bisa majar kumaha, ukur ngahelas, ngawawaas mangsa lawas
enya anjeun mah teu salah, da sagalana balukar lampah manusa
Citarum ! Citarum ! saha nu bisa ngubaran anjeun
Soreang, Januari 2009
Nandang Dahlan
Kp. Lebakwangi RT 01 RW 01
Desa Cingcin Kecamatan Soreang
Jl. Bandung-Soreang No. 347
Jumat, 02 April 2010
Wasiat Ki Sunda
Sajak NANDANG DAHLAN
Lila disidemna, ieu nu nyangkaruk sajeroning sanubari
neangan mangsa anu mulya, milih wanci anu mustari
sangkan medalna rasa u sumarambah dina bayah
tumerap ka anak-incu, katut sadaya sekeseler Ki Sunda
dina enggoning ngalaksanakeun ngamumule basa pituin
ulah balangah, ulah talobeh, komo lamun kaluli-luli
sabab ieu wasiat anu sanget ti Karuhun Sunda
anu luhung tur aheng elmuna, sarta luhur ajenna
mekelan ka anu rek neruskeun hirup jeung kahirupan
ciri wanci nyaah ka turunan, deudeuh ka mongmongan
hariwang bisi hirupna kalangsu, antukna diunghak batur
nya nyiptakeun basa nu endah, tur reunceum ku rarangken
luyu jeung endahna padumukan, anu nelah parahiyangan
anaking jimat awaking, masing tenget, pek tarima ieu wasiat
masing eling kana pepeling, yen basa teh ciciren bangsa
prak niatan, tanjeurkeun jati diri Sunda, anu saenyana
ulah poho kana ieu wasiat, malar Sunda sawawa jaya
amin ya robbal alamin mugi Alloh nyubadanan
Soreang, Januari 2009
Nandang Dahlan
Kp. Lebakwangi RT 01 RW 01
Desa Cingcin Kecamatan Soreang
Jl. Bandung-Soreang No. 347
Lila disidemna, ieu nu nyangkaruk sajeroning sanubari
neangan mangsa anu mulya, milih wanci anu mustari
sangkan medalna rasa u sumarambah dina bayah
tumerap ka anak-incu, katut sadaya sekeseler Ki Sunda
dina enggoning ngalaksanakeun ngamumule basa pituin
ulah balangah, ulah talobeh, komo lamun kaluli-luli
sabab ieu wasiat anu sanget ti Karuhun Sunda
anu luhung tur aheng elmuna, sarta luhur ajenna
mekelan ka anu rek neruskeun hirup jeung kahirupan
ciri wanci nyaah ka turunan, deudeuh ka mongmongan
hariwang bisi hirupna kalangsu, antukna diunghak batur
nya nyiptakeun basa nu endah, tur reunceum ku rarangken
luyu jeung endahna padumukan, anu nelah parahiyangan
anaking jimat awaking, masing tenget, pek tarima ieu wasiat
masing eling kana pepeling, yen basa teh ciciren bangsa
prak niatan, tanjeurkeun jati diri Sunda, anu saenyana
ulah poho kana ieu wasiat, malar Sunda sawawa jaya
amin ya robbal alamin mugi Alloh nyubadanan
Soreang, Januari 2009
Nandang Dahlan
Kp. Lebakwangi RT 01 RW 01
Desa Cingcin Kecamatan Soreang
Jl. Bandung-Soreang No. 347
Senin, 20 Juli 2009
Kamis, 16 Juli 2009
Langganan:
Postingan (Atom)
